მომსახურების სრული სპექტრი

მომსახურების სრული სპექტრის არსებობა განსაზღვრავს კრეატორის უპირატესობას და მის პრიორიტეტებსაც. კომპანია ახორციელებს საკომუნიკაციო სტრატეგიისა და შესაბამისი სერვისების დაგეგმვას, ბიუჯეტირებას და მართვას, გენერალური კრეატიული კონცეფციის და ასევე თითოული საკომუნიკაციო პროდუქტის კონტენტის შემუშავებას. კამპანიების განხორციელება სხვადასხვა დეპარტამენტების ერთობლივი მუშაობით მიმდინარეობს: მედია, კრეატიული ჯგუფი, პიარისა და ბითიელის დეპარტამენტი, დიზაინ და ვიდეო სტუდია. სხვადასხვა მიმართულების მუშაობას ერთიან ზედამხედველობას უწევს მომსახურების დეპარტამენტი, რომელიც არის მედიატორი დამკვეთსა და კომპანიას შორის. სერვისების ერთობლიობა გვანიჭებს მოქმედების სრულ თავისუფლებას, კომპლექსური კამპანიების განხორციელების ფართო შესაძლებლობებს, უზრუნველყოფს მოქნილი, თანამიმდევრული და ოპერატიული სერვისის მიწოდებას. დღეს კრეატორის გუნდში ერთად მუშაობენ ქართული სარეკლამო ბიზნესის სათავეებთან მდგომი ადამიანები და ახალგაზრდა თაობის წარმომადგენლები. პროფესიონალიზმი და გამოცდილების ურთიერთგაზიარება არის მნიშვნელოვანი ფაქტორი კომპანიის სტრატეგიის განხორციელებისთვის, რომელიც ორიენტირებულია გრძელვადიან თანამშრომლობასა და პარტნიორობაზე. მადლობას ვუხდით ჩვენ პარტნიორებს, ვინც წლების მანძილზე გვიცხადებს ნდობას და მხარდაჭერას.